Ерлерге қандай әйелдер ұнайды?
Ер кісілер кімдерді әйелі ретінде көргісі келеді? Еркіндікті қалайтындарды ма, әлде күйеуінің айтқанын орындайтын қарапайым қызды ма? Өз дегенінен қайтпайтын, мансап қуғандарды ма, әлде отбасы-ошаққасында жүргендерді ме?
Батыс елдерінің әйелдері, көбінесе, өз ісінде белгілі бір дәрежеге жеткісі келеді, ал отбасы олар үшін екінші орында. Еркін жүріп-тұрғанды қалайды. Олар өздерін үй шаруасындағы әйел ретінде елестете де алмауы мүмкін.
Ал, дініміздің құндылықтарын бойына сіңіріп өскен мұсылман қыздарымыз керісінше, отбасын бірінші орынға қояды. Күйеуіне бағыну, сыйлау, үйдің берекесін сақтау басты міндетім деп біледі.
«Қандай әйелді жарыңыз ретінде көргіңіз келеді?» деген сұраққа ер-азаматтар төмендегіше жауап берген:
- «Маған жан-жақты әйелдер ұнайды. Оларда батылдық та, бағына білу де, күш пен жұмсақтық та, мұз бен от та болғанын қалаймын».
- «Отбасында еркек өзін еркек ретінде сезінуді ұнатады. Бұл бастысы. Сондықтан, әйел қанша ақылды, мықты болып тұрса да ер адамның жанында жұмсақ, нәзік болғаны дұрыс».
- «Күйеуінің айтқанын екі етпейтіндер – нағыз әйелдер».
- «Мен мұсылман қыздарын пәктігі мен тазалығы үшін жақсы көремін және сыйлаймын. Олардың біреуі де күйеуіне қарсы келмейді».
Осы айтылғандарды негізге ала отырып мұсылман қыздарының ортақ бір сипатын анықтасақ. Ол – ақылды, білімді, мәдениетті. Заман талабына сай өмір сүре отырып, Ислам дінінің құндылықтарын жоғары қоятын, ұлттық салт-дәстүрлерімізді бойына сіңіріп өскен қарапайым, күйеуіне адал жар, балаларына жақсы тәрбие бере алатын ана әрі отбасының берекесін сақтаушы кемеңгер әйел.
