Ардақты Пайғамбарымыздың (с.ғ.с.) өсиеті

- Мен саған құлшылық етуіңді өсиет қыламын. Өйткені Аллаға жалбарыну жақсылық атаулының басы.
- Құранды үнемі оқып отыруға кеңес беремін. Бұл сен үшін аспандағы нұрмен, жердегі жарық сәулемен тең болмақ.
- Пайдасыз сөздерді көп қолданба. Сонда сенен шайтан алыстайды, дін жолындағы істеріңе жеңілдік туады.
- Көп күлуден сақтан. Ол адамның жан сарайын бүлдіріп, жүзіне көлеңке түсіреді.
- Дініңе ең қажетті нәрсені ізде. Өйткені ол – менің қауымымның басталар жері.
- Егер жақын адамдарыңның өзі тастап кетсе, сен олардан безбе, араласып тұр.
- Шындық қанша ащы болса да Алланың аты үшін оны ауызға алып тұр.
- Жаман адамдардың қастандығынан қорықпа.
- Өз кемшілігіңді бағдарла және өзгенің кемшілігін таратпа.
- Қашанда шындықты жақта. Өйткені жұмақта шыншылдық пен ізгілік қатар жүреді.
- Өтірік айтудан аулақ бол. Тозақтағы зұлымдықтың өзі өтірікпен тамырлас.
- Алла тағаладан әрдайым деніңнің саулығын сұра. Өйткені адам баласына иманнан кейінгі берілген ең үлкен сый – денсаулық.
- Бір-біріңе өшпенділікпен көз алартпаңдар, ұрыспаңдар, бөлінбеңдер, біріңнен бірің безінбеңдер. О, Алланың пенделері, Алла тағала әмір еткендей бауыр болыңдар!

 mazhab.kz