Әлемде ең көп таралған қай дін?
Негізінде тарихи деректерге сәйкес соңғы мыңжылдықта жер бетінде кең таралған дін – христиан діні, - деп хабарлайды Alashainasy.kz тілшісі Kazislam.kz-ке сілтеме жасап.
Оның бұлай кең таралуына басты себептердің бірі – отарланған және басып алынған елдердегі еуропалықтардың белсенді миссионерлік қызметі ықпал етті.
Христиандардың күллі әлемді шоқындырамыз деп крест жорығына да шыққаны мәлім.
Ал шіркеу миссионерлері әлемнің түпкір-түкпіріне барып діндерін тарқатуға барлық күш-жігерлерін салған.
Бүгінде америкалық зерттеушілердің айтуынша, Ислам ғасырдың соңына таяу ұстанушылардың санына сәйкес христиандықтан асып озады.
Ислам христиан дінінен шамамен 600 жыл кейін пайда болса да христиандықпен тең дәрежеде «бәсекелесе» алатын жалғыз дін.
Ерекшелігі сол, Ислам ұстанушыларының әсіресе Еуропа елдерінде санының артуы – миссионерлік жолмен емес, қоғам мүшелерінің өз ізденісі және мұсылман жанұясында Ислам отбасы құндылықтарына сәйкес бала санын шектемеу арқылы болып жатыр.
