Жоба күйіндегі жаңа мешіт құрылысы қашан бітеді?

Семейде осыдан үш жыл бұрын қолға алынып, құрылысы тұралап қалған бірегей мешіттің жобасы қайта өзгерді. Қаланың жаңадан тағайындалған әкімі Айбек Кәрімов Алла үйінің құрылысымен таныса келе, жобаны өзгерту жөніндегі ұсынысын айтты. Өйткені мешіт қазақтың нышанына сай емес. Қазақ еліндегі мешіттер белгілі бір тәртіпке сай тұрғызылуы тиіс.
Қаланың бас имамы Тыныштық қажы Яхия­ұлының айтуынша, жаңа әкімнің осын­дай жаңа көзқарасынан кейін мешіттің жа­ңа жобасы дайындалды. Оған сай, Алла үйі­нің бұрынғы сегіз қанаты алынып, қа­быр­ғалары біркелкі етілген. Енді ғимарат биік әрі өте әдемі көрікке ие болды. Бас­тысы, осыған дейін мұсылманның Құдайға құл­шылық ететін ордасын тұрғызуға 850 миллион қаржы қажет делінсе, соңғы жоба бойынша 450 миллион ақша жеткілікті. Бұл дегеніміз қыруар қаржыны үнемдеу деген сөз. Сәтін салса, төрт мұнаралы екі мың адам­ға шақталған Алла үйі алдағы бір-екі жыл­да қолданысқа беріледі деп жос­пар­лан­ған. Нысанның жұмысын қала басшысы өз бақылауына алды.

                Мешіттің бұрынғы жобасы   
Айта кетсек, бастапқыда Алла үйі де­меу­шілердің ақшасына тұрғызылады деп ше­шілген. Сондықтан ұсыныс алдымен қа­ла кәсіпкерлеріне жасалған-ды. Бұны құп көр­ген қалталылар, көмектесетіндерін ай­тып, уәде береді. Тіпті Алла разылығы үшін деп басқа қалада жүрген семейлік биз­нес­мендер де қол ұшын беретіндерін жеткізіпті. Бі­рақ игі іс басталғанда жомарт жандар «жо­ғалып» кеткен. Тек әу баста қол алысып, уә­де бергендердің азғантай тобы ғана ақша ау­дарған. Осылайша, 2008 жылдың ма­мы­рында қолға алынған нысан, осы жылдың желтоқсанында қолданылуға беріледі деген мердігер мекеменің уәдесі орындалмай қалған болатын. Ескі жоба бойынша, құры­лы­сы шамамен 5 миллион АҚШ долларына жоспарланған мұндай мешіт Испания мен Египетте ғана бар. Ал дәл осындай жобамен салынатын Алла үйі Орталық Азияда жоқ. Ме­шіттің төрт мұнарасының биіктігі бастапқы жо­ба бойынша 50 метр болса, енді ол 63 метр болып өзгерді. Ал биіктігі бұрынғыдай 30 метр емес, 41 метр болмақ. Алла үйі сегіз қырлы. Бұл сегіз жаннат бар деп ырым­далған. Осыған қоса мешіттің алдында үл­кен саябақ, 500 көлікке арналған автотұрақ, кө­ліктер кіріп-шығуға арналған екі аспалы кө­пір болады.
Бұрынғы жобадағы бірегей мешіттің осындай кереметтерін айтып, жан-жаққа жар салған едік. Ақыры жоспар іске аспады. Үш жыл бойы қаржы тапшылығынан тұ­ра­лаған мешіт құрылысы жайлы тұрғындар да алаңдаушылығын білдіріп, облыс басшысы мен қала әкімі өткізген кездесулерде осы сауалды көлденеңінен қойды. Ақыры Се­мейдің жаңа әкімі Айбек Мүтәләпханұлы ны­сан құрылысын жандандыратын болды.
Тыныштық қажы ЯХИЯҰЛЫ, Қазақстан мұсылмандары діни басқармасының Семей өңіріндегі өкіл имамы:
– Салынып жатқан жаңа мешітке қа­ла­ның әкімі Айбек Кәрімов алаң­дау­шы­лығын білдіре келе, құрылысты көзімен көрді. Қасиетті жұма күні Алла үйіне ке­ліп құрылыс басшыларымен, мер­ді­гер­лер­мен, жұмыс істеп жатқан компания бас­шыларымен кездесті. Жиын кезінде қала басшысы бұрынғы жобаны қазақ стиліне қайшы екенін, мұсылман­­шы­лықтан ауытқымай, Алла үйі белгілі тәр­тіп­ке сай тұрғызылу керек екенін баса айт­ты. Елдегі мешіт салу тәртібін еске­ріп, еш­кімнен ерекшеленбеу керекті­гін жет­кізді. Бір апта ішінде сәулетші­лер жаңа жо­ба әзірледі. Ол қала басшысы­на ұна­ды. Қаржы да үнемделетін бол­ды. Бұ­рынғы жобада мешіт сегіз қанатты бо­латын. Осыларға қаражат тым көп жұм­са­лады екен. Сол үшін біраз өз­геріс­тер ен­ді жобаға. Ал қажетті қар­жы алда­ғы уа­қытта шешімін таппақ. Ол үшін қа­ла әкі­­мі кәсіпкерлердің басын біріктіріп, ке­ңесетін болады. Бұл енді қаламызға ерек­ше көрік беретін бірегей мешіт бол­мақ.