Жеңіс Ысқақова: Қандай ене екенімді келінімнен сұрау керек
Келін түсіріп, әже атанған Жеңіс Ысқақова отбасы жайлы құпиясымен бөлісті деп хабарлайды http://"Евразия" арнасына сілтеме жасаған NUR.KZ.
Әнші бала тәрбиесі, отбасындағы қарым-қатынасты құрудағы әйел адамның рөлі, келінімен арақатынасы жайлы өмірлік тәжірибесімен бөлісті.
"Қандай ене екенімді келінімнен сұрау керек. Дегенмен, мен адам баласымен тіл табысып, жәймендеп үйретуді құп көремін. Ашумен, бұйрықпен ештеңе жасай алмайсыз. Баланың өзімен тіл табысып, дос болу керек. Сол сияқты мен де келініммен доспын. Қандай да бір қателіктерін көріп жатсам, "Екінші қайтара бұлай болмасын, жарай ма?" деймін. Менің өзім түрім сұсты ма, білмеймін. Кейде мен қарап қалған кезімде келінім тыпырлап кетеді. Сол кезде өзім де аяп кетемін", - дейді әнші.
Ысқақова келіннің жақсы болуы енеге және қыз баланың анасына байланысты деп санайды.
Айта кетейік, әнші бүгінде жұмысына байланысты қонысын Астанаға ауыстырған. Ал Ысқақованың күйеуі, келіні мен баласы, немересі Алматы қаласында тұрады.
