Жаңа оқу-әдістемелік құрал жарық көрді

Тараз қаласында қазақ тілін оқып-үйренушілерге және ана тілімізді терең меңгеремін деушілерге арналған «Тараз» оқу-әдістемелік құралдар жинағы жарық көрді.
Оқулық ҚР Мемлекеттік қызмет істері жөніндегі агенттігінің келісімімен және Мем­лекеттік тілді жеделдетіп оқыту рес­пуб­ликалық орталығы ұсынған «Мем­ле­кеттік тілді мемлекеттік қызметшілерге жеделдете деңгейлік оқыту стандарты» мен «Типтік бағ­дарламасы» негізінде дайын­далған. Атал­мыш оқулық қазақ тілін меңгеремін деген мемлекеттік қызмет­ші­лер­ге және жекелеген азаматтарға арнал­ған.
Оқулықтың «Отбасылық сала» деп ата­латын бөлімі қазақ тілін жаңадан үй­ре­ніп жүрген азаматтарға арналған. Ал ауыз­екі тілде сөйлей алатын, қазақ тілін мең­ге­ру­ді жал­ғастырушы азаматтар мемлекеттік тілге бай­ланысты өздеріне қажетті дүние­лерді оқулықтың «Елтаным» атты бөлімінен таба алады. «Рес­ми іс-қағаздарын жүргізу» бөлімі рес­ми салаға арналған. Бұдан бөлек лек­си­ка­лық тақырып, тілдік материалдар, сөздік минимум, сөй­ле­су үлгілері сияқты төрт бөліктен тұратын ке­ше­нінің әрбір кезеңінде бақылау жұмыстары, қорытынды тестілер берілген.
Жамбыл облыстық тілдерді оқыту орталығының бұрынғы ди­рек­торы, қазіргі зейнеткер Мәскеу Ноқ­ра­беков және атал­ған орталықтың маманы Гүл­хан Ама­нова дайындаған оқулық Ш.Шаяхметов атын­­дағы тілдерді дамытудың рес­пуб­лика­лық үйлестіру-әдістемелік орта­лы­ғы­ның та­ра­пынан оң бағаға ие болып, қазіргі кез­де облыс орталықтарында мекемелерге тара­ты­луда.