Түбі бір түркі жұрты

ноғайбақтар

Ноғайбақтар – XVII-XVIII ғасырларда христиан дініне өтіп кеткен ноғайдың бір руы. Олардың қанша екенін тап басып айту қиын. 1897 жылғы санақ бойынша 47 000 адам болса, 1926 жылы 10 000-ға әрең жетеді, 1939 жылы жеке халық ретінде тіркелмей, татарларға қосылып кеткен. Бiрақ 2002 жылы өзін «ноғайбақпын» деп есептейтін 9 600 адам бар екені анықталған. Ал «шын мәнінде ноғайбақ тілінде сөй­лей­тіндер саны бұ­дан едәуір көп» деген де пікірлер бар.
1736 жылы Ық бойында Но­ғай­­бақ қама­лы тұр­­ғы­зылғаннан кей­ін Ресейде но­ғайбақ-казак­тар де­ген этни­ка­лық топ пайда болады.
Империяшыл күштер тағдырын тәл­кек еткен түркі халықтары аз емес. Солардың бірі – аты-жөні – орыс, тілі – татар, түрі – ноғай, бірде бар, бірде жоқ болып, отаршылдардың ойын­шығына айналған байғұс ноғайбақ халқы.
«Шап, шап» ат өлтіреді,
«Сал, сал» құс ұшырады»
Қазақ мақалы