Ринат Зайытов халық алдында алғаш рет рэп оқып, брейк биледі, - деп хабарлайды Baistars.kz. Көрермен ақынның рэперге айналғанын Ақылбек Жеменейдің жеке ән кешінде куә болды. Ақылбек пен Ринат концертте бұрынрақта жазылған "Соңғы хат" әнін орындады. Ринаттың қара домбыраны қара костюм-шалбарға, ақ шапанды ақ кроссовкиге ауыстырғанына кешке келген көрермендер жылы қабылдады.
Айта кетейік, бұл Ақылбек Жеменейдің алғашқы жеке концерті. Кеште Ақылбекпен бірге Тамара Асар, Мейрамбек Беспаев, Ғаділбек Жеменей, Бауыржан Ретбаев, "Арай" тобы ән салды. Концерттің толық нұсқасын алдағы уақытта республикалық арналардың бірінен тамашалай аласыздар.