Қазақ романстары іріктелмек

Таяуда Қазақстан Рес­пуб­ли­касы Тұңғыш Президентінің қоры қазақ романстары циклын құруға байқау жариялады. Байқауға жасы 18 бен 40 жас аралығындағы Қазақстан аза­мат­тары қатыса алады. Сондай-ақ арнаулы орта және жоғары оқу орындарының композиция кафедрасының студенттері мен түлектеріне де байқауға қатысуға мүмкіндік бар.

Бекітілген ережеге сәйкес, қаты­су­шы­лар мемлекеттік тілдегі 4-7 әндік туын­дылардан тұратын романстар циклын ұсынулары керек. Өтініш биылғы жылдың 15 қазанына дейін қабылданады. Іріктеу комиссиясының құрамына Қа­зақ­стан Рес­публикасына еңбек сіңірген өнер қай­раткерлері, ҚР тұңғыш Президенті қо­ры жанындағы Жастар шығармашылық кеңесінің мүшелері және ұйымдастыру комиссиясының мүшелері енген. Байқау жеңімпаздары ақшалай сыйақыға ие бо­лады. Байқау қорытындысына орай, I орынға – 300 000 теңге, II орынға – 200 000 теңге және III орынға 100 000 теңге сыйақы тағайындалған. Ал дипломаттар 50 000 теңгеден алмақ. Жеңімпаздар мен жүлдегерлердің жұмыстары «Таңдаулы романстар» жинағына енгізіледі деп жос­парлануда. Қазақ романстарын насихаттау мақсатында ұйымдастырылған байқаудың негізгі міндеті – ұлттық дәстүрлердің орын­далуын сақтау және қайта жаңғырту, отан­дық сазгерлерге қолдау көрсетіп, отан­дық ән туындыларын жасау, жаңа да­рынды сазгерлерді анықтап, олардың шығармашылығын халыққа таныту.