Атышулы жобаның қатысушысы Ұлдана Ерқасым көлігі мен пәтерінен айырылып қалды. Бұл туралы Caravan.kz медиа-порталы "Oybay Show" бағдарламасына сілтеме жасап хабарлайды.
Мұхит Сапарбаевқа бүкпесіз ашық сұхбат берген Ұлдана басынан өткен барлық оқиғаны жайып салды.
Ұлдана "Қалаулым" жобасына 100% өзіне сенімді болып келгенін, жұрт не десе де өз жоспарын орындамай кетпейтінін айтты. Сонымен қатар ол өзінің алғашқы авторлық "Қоқыстан табылған миллионерша" кітабынан соң, өз үйі мен көлігінен айырылып қалған. Кітапты 20.000 дана басып шығару үшін үйін кепілге қойып қомақты қаражат алған. Алайда қарыз ақшасын қайтара алмағандықтан, үйін кепілге алған адам қорқытып, үркітіп үйсіз қалдырған. Дымсыз қалған Ұлдана депрессияға түсіп өзіне қол жұмсамақшы болған. Тек Мешітке барып қана есімді жидым дейді. Қалаулым бағдарламасына да келуінің себебі атын шығару болған. Ол өзінің шашын тықырлап алып тастауы жоба сценарийінен бөлек өзінің жеке жоспары болғандығын айтады.
"Мүмкін мен қазір шындықты айтып отырғаным үшін даттайтындар бар шығар. Бірақ менің шаш алып тастауым о бастан өзімнің құрылған жоспарым болған.Шаш алып хайп жасаймын деген оймен келдім. Әрине мен мұны мың ойланып қадам жасадым"-дейді.
Дегенмен ол үйін алып қойған жанды кешірген сыңайлы.
"Егер сол жағдайлар болмағанда мен алданып қалмағанда, дәл қазір осылай сізге сұхбат бермес едім. Журналисттік зерттеуімді жасамас едім. Қалаулымға бармас едім. Бәрі де жақсылық үшін болған шығар",- деп жауап берді.
Ұлдана өзінің екінші "Қалаулым Ақиқат" атты авторлық кітабын жазды.
ВИДЕО: www.youtube.com/watch