Қаламгерлер – табиғат жанашырлары

Аймақтың әдеби-рухани өміріне тың серпін әкелген «Ақсораң» қазақ әдебиетін қолдау қоғамдық қорының ұйымдастыруымен Қарағандыдағы №77 мектеп-балабақша кешенінде мектептің жоғары сынып оқушыларына арнап «Green класс» деген тақырыпта семинар өткізді. Облыстық табиғи ресурстар және табиғатты пайдалануды реттеу басқармасының басшылығымен өткізілген семинардың мақсаты жоғары сынып оқушыларының экологиялық білімін жетілдіру, қоршаған ортаны қадірлеуге үндеу деп санайды ұйымдастырушылар.
Семинар сабақта «Ақсораң» қоғамдық қо­ры­ның вице-президенті Серік Сағынтай қа­зір­гі ғаламдық экологиялық мәселенің БАҚ бет­терінде жариялануы, халық ара­сында эко­сауат­тылық жайының қазіргі қал­пы, үкіметтік емес ұйымдар мен жеке­леген азаматтардың таби­ғат­ты қорғау ісіне араласуы жайында сөз қозғады.
Семинар сабақтарда жастардың эко­сауа­тын жетілдіруге орай қала мектептері­нің оқы­ту­шылары А.Кептербаева мен Г. Са­па­бек­қызының «Табиғатты қорғау – басты пары­зымыз» атты кі­тапшасы, жер­гі­лік­ті ақын-сазгерлердің әндері мен жыр­лары топтастырылған «Табиғатым – махаб­ба­тым...» атты аудио жинағы таныс­ты­рылып, «Қа­зіргі ғаламдық экологиялық мәсе­ле­лер» атты бейнеролик көрсетілді. Үш са­ғатқа созылған семинар соңы оқушылар арасында өткізілген экологиялық ойынға ұласты.