Жуырда Сүлеймен Демирел университетінің Алматы облысы Қаскелең қаласындағы жаңа ғимараттың үлкен залында студент жастардың қаламгерлермен кездесуі болып өтті.
Университет жастары шығармашылық жүздесудің қонақтары Қазақстан Жазушылары одағының мүшелері жазушы, әдебиеттанушы-ғалым Нұрдәулет Ақыш пен ақын Кәдірбек Құныпияұлының шығармашылығымен жақынырақ танысуға мүмкіндік алды. Бұл басқосуға сондай-ақ белгілі қаламгерлер, Қ.Түменбай, Н.Ораз, Т.Тәшенов, Д.Байтұрсынұлы, Г.Орда, С.Тойлыбай, А.Қалиева және бір топ ұстаздар қатысты. Университет ректоры профессор Месут Ақгүл мен проректоры профессор Дандай Ысқақ қонақтарды қабылдап, еңбектеріне жеміс тіледі. Кеш барысында қос қаламгердің шығармаларынан үзінділер оқылып, шағын қойылым көрсетілді. Өз кезегінде кештің негізгі қонақтары Н.Ақыш пен К.Құныпияұлы ел Тәуелсіздігінің 20 жылдық белесіндегі рухани дүниелерге қысқаша шолу жасап, студенттердің сұрақтарына жауап берді.
Әдеби пікірталас түрінде өрбіген кездесу барысында ақындар өз өлеңдерін оқып, студент жастардың да шығармашылық ізденістерімен танысты.
Қазақстандағы білім беру саласында 1996 жылдан бері жұмыс атқарып келе жатқан университет мұндай әдеби-танымдық шараларды дәстүрлі түрде ұйымдастырып келеді.
Қаламгерлер студенттер арасында
Последние статьи автора