Отандық бірқатар ақпарат құралында Қайрат Нұртастың әйелі әртістің жаңа фильмінде басты рөл сомдайтыны жайлы хабар тараған болатын. Тілшілер бұл мәліметті әнші Сиви Махмудиге сілтеме жасай отырып хабарлады. Алайда әнші Қайрат Нұртастың директоры Лаура Сейітбек бұл ақпаратты жоққа шығарды, - деп хабарлайды Tengrinews.kz
"Бұл тілшілердің қулығы арқылы шыққан қауесет. Сивидің фильм жайлы айта келіп "мүмкін" деген сөздерін тілшілер қасақана алып тастап отырған. Шын мәнінде қазіргі уақытта фильмнің сценарийі де дайын емес. Сценарийі болмаса онда кімнің қандай рольде ойнайтыны қайдан шықты? Біз Сивимен сөйлестік, мәселе шешілді", - деді әншінің директоры.
Сонымен қатар, Лаура Сейітбек жаңа фильмнің түсірілім жұмыстарына дайындықтың басталып кеткенін айтты. Фильмнің режиссері Рашид Сүлейменов. Ал атқарушы продюсері - Лаура Сейітбек. Фильмнің бас продюсері "KN Production". Фильм жайлы толығырақ мәліметті әншінің директоры кейінірек беруге уәде берді.