p>Әнші Қайрат Нұртас келесі жылы Кремльде жеке ән кешін өткізбекші екенін айтты, деп хабарлайды Baistars.kz. Бұл туралы әнші "Сәлем, Қазақстан" шоуында мәлімдеді.
"Ашық микрофон" айдарында әншіге түрлі сұрақтар қойылды. Соның бірі "Америка, Франция сияқты елдердің үлкен сахналарда атыңызды шығарып, қазақтың атын әлемге паш ету жоспарыңызды жоқ па?" - деген сұрақ болды. Бұған әнші: "Әр өнер адамының арманы қазақ халқын, қазақ елін басқа елге жақсы жағынан көрсету. Мысалы Илья Ильин, Геннадий Головкин, біз де өз елімізді әнмен танытқымыз келеді. Бұл әр өнер адамының арманы. Сондықтан Алла қаласа, келесі жылы Кремльде менің өзімнің жеке кешім өтеді деген ойым бар. Әрі қарай тағы да Франция, Америка болсын, Алла қаласа, бара жатармыз" - деп жауап берді.