Қайрат Нұртас Bentley мінді (видео)

Жұбайын сырт көзден жасырса да, мінген көліктерін жасырмай көрсететін белгілі әнші Қайрат Нұртас тағы бір су жаңа темір тұлпар мінді. Өзінің жап-жаңа Bentley көлігінің суретін Қайрат «инстаграм» арқылы көпшілікке көрсетті.

Қазақ эстрадасының еркесі атанған сері жігіт ең қымбат деген mersedes, lexus көліктерінің небір төрелерін мінді. Әрине, шоу-бизнес пен той-бизнесте табыс табудан алдына жан салмайтын қалталы әншіге қандай көлік мінем десе де жарасады. Айтпақшы, жақында Қайрат өзінің анасы Гүлзира Үсенқызының туған күнін дүркіретіп жасап берген болатын. Бір сөзінде анасына да су жаңа көлік сыйлайтынынм айтып қалды. Анасының туған күнін дейін көлікті алып үлгермегенін айтып, дәл сол күні анасын сыйлықсыз қалдырмау үшін ол Гүлзира ханымның қолына әшекейге деп 5 мың доллар ұстатқанын да естідік. Ана үшін ең қымбат сыйлық баласының құрметі мен назары емес пе? Ендеше Гүлзира Үсенқызының ақ сүті мен аянбай төккен терін баласы ақтап-ақ жатыр. Анасының туған күнін атап өткеннен кейін көп ұзамай Қайраттың жары Жұлдыздың да туған күні болғаны әлеуметтік желі арқылы жұртышылыққа таралған еді. Алайда Қайрат жарының туған күнін жасырын жасап бергенге ұқсайды. «Ешкімге көрсетпеймін, алам да көкке ұшамын...» деген әндегі аруды көру көпшілікке арман...