Қазақстанның халық әртісі Қайрат Байбосыновтың орындауындағы әндердің ноталарынан құралған «Сыр сандық» атты қазақ әндерінің антологиясы жарыққа шықты, деп хабарлайды Baistars.kz.
Бұл туралы әнші Рамазан Стамғазиев Инстаграмдағы жеке парақшасында айтты. Ол осы кітаптың алғашқы нұсқасын қолына алғанына бақытты екенін жеткізді.
Жинақта Қайрат ағамыздың репертуарынан 500-ге тарта әндердің нотасы берілген. Әсіресе Құлтуманың, Естайдың, Тайжанның, Айтбайдың бұрын ел естімеген, хатқа түспеген әндері енген. Әндерді нотаға түсірген Қайрат Айтбаев. Жалпы тиражы — 5000 дана.