Қарағандыда қазақтың белгілі ақыны Серік Ақсұңқарұлының шығармашылығын насихаттауға арналған «Ақсұңқарұлы оқулары»
Қарағандыдағы гуманитарлық колледжде өткізілген байқауда мектеп және арнайы орта оқу орындарының шәкірттері ақынның өлеңдеріне жазылған әндерді орындау, жырларын мәнерлеп оқудан сайысты. Сонымен бірге жас ақындардың шығармалары да қазылар сынынан өтті.
Ақсұңқарұлы оқуларына облыстың қала-аудандарынан қатысқан жетпіске тарта талапкерлер әр атаулық бойынша сый-сияпат иеленіп, байқаудың арнайы сыйлығын жас ақын Панзат Жұмағұлова Ақсұңқарұлының өз қолынан алды.
Есжан ӘМІРОВ, Қарағанды гуманитарлық колледжінің директоры:
– Ақсұңқарұлы оқулары облысымызда алғаш рет ұйымдастырылып отыр. Бұйыртса, алдағы жылдары аталмыш байқауды дәстүрлі түрде өткізіп отыратын боламыз. Жас талапкерлер үшін бұл байқаудың өзге оқулардан гөрі ерекшелігі – ақын Ақсұңқарұлының өзі қатысатындығында...