"Өте жайсыз сезіндік": Әзімбек Байлин "Алашұлы" тобынан әріптесінің бөлініп кеткен кезін еске алды
"Алашұлы" тобының бұрынғы әншісі Әзімбек Байлин өзінің және әріптесі Ұшқын Жамалбектің топтан кеткен сәтін еске алды. Бұл туралы Қызықты Weekend бағдарламасына сілтеме жасаған KAZ.NUR.KZ хабарлайды.
"Ең бірінші Ұшқын кетті ғой топтан. Бірақ Ұшқын кетейін деп жүргенін сездірді. Сол кезде біз Батыс Қазақстан облысы, Қарағанды облысында гастрольде жүрдік. "Жігіттер, уақытым келмей жатыр", - деп айтып қалды. Бөлек әншілерге ән жазып жатты. Сәл сезгендей болдық. "Жігіттер үлкен бір әңгіме бар еді", - деді. Тамақтануға барып, Ұшқын кететінін айтқан кезде өте жайсыз болдық. Мақсат та, мен де...", - деді ол. Әзімбек Байлиннің өзі де кейін бұл топтан бөлініп кетті. Әншінің айтуынша, топтағы әріптестерімен ешқандай түсінбеушілік болмаған. "Республика сарайында концертіміз өткен соң, жігіттерге айттым. Өзімнің театрда жұмысым бар, үлгермей кеттім. Бірақ мен алдын ала дайындадым. Мақсат пен Ерзатқа айтып, жарты жыл бойы менің орныма адам іздедік. Ол адам келмейінше, мен топтан кетпедім. Кейін жігіттермен қол алысып, жылы қоштастық. Көпшілігі бізді ақша бөлісе алмай қалды, төбелесіп қалды деп ойлайды. Құдай сақтасын, он жылда бір-бірімізге қол көтеріп, "әй" дейтін ештеңе болмапты", - дейді Байлин.
