Қаламызда Мәдениет және тілдерді дамыту бөлімінің ұйымдастыруымен Оралхан Бөкей атындағы дәстүрлі көркем шығармаларды оқу сайысы өтті.
Студенттер мен оқушылардың басын қосатын бәйге биыл 13-рет шымылдығын ашып отыр. Жылда оған 7-ден артық сайыскер қатыспаған. Биыл шығармашылық жарысқа бақ сынауға ниет білдіргендердің саны екі есеге өскен. Тағы бір ерекшелік – осындай жауапты сайысқа студенттерден бөлек мектеп оқушыларының қатысуы. Ұйымдастырушылардың айтуынша, бұл өскелең ұрпақтың ұлттық тілге, отандық әдебиетімізге деген қызығушылығының артқанын көрсетсе керек. Сайыскерлер шығармашылық сында жеңіске жетуі үшін бірнеше сыннан мүдірмей өтулері тиіс.
Ақмарал ОСПАНОВА, сайысқа қатысушы:
– Қазақ тілінің, ұлттық тіліміздің насихатталуы Тәуелсіздік алғаннан кейін қолға алынды. Еліміз бірнеше ғасыр бойы Ресейдің боданы болып келді. Сол кезде тарихымыз, тіліміз, дініміз ұмытылып қалды. Осындай оқуларды жиі ұйымдастыру арқылы еліміздің тарихын, мәдениетін, әдебиетін насихаттауға болады.
Сайыс үш номинациядан тұрды. Прозалық шығармадан үзінді оқу, поэзия және драмалық шығармадан үзінді көрсету. Бұл жерде бір шығарма Оралхан Бөкейдікі болса, қалғандары қатысушының өз қалауымен алынады.
Әдеби сайыс қорытындысы бойынша, М.Әуезов атындағы педагогикалық колледждің студенті Айнұр Мәсімова 1-орынды жеңіп алды.
Оралхан оқулары өтті
Последние статьи автора