Сәлеметсіздер ме, құрметті қауым! Мен өзіме сөз берген едім 1 ғана адаммен жүріп сол жанға тұрмыс құрамын деп. 1 жыл жүрген жігітім алып қашты өз қалауыммен. Мен басқа қалада ол басқа қаланыкі еді. Мені үйіне алып келгенде ата-анасы еш дайын болмады. Той мен беташарды бірге 3 айдан кейін жасаймыз деді, оған да көндім.
Некемізді қидырмастан мамасы ақ төсек салып берді. Арым таза болды,күйеуіме пəктігімді дəлелдедім. Ол мен тұратын қалада жұмыс істейтін, менің де жұмысым бар болған соң тойға дейін жұмыс істейміз деп кеттік. 3 айдан соң көтердім,токсикозым жаман болды. Енді міне, 7 ай болды, той да, дым да жасаған жоқ,. Менің үй ішіммен мүлдем араласпайды ата-енем.
Менің үй ішімдегілер солардың бəріне көніп отыр шымшықтай отбасыңды бұзбайық деп. Бұрын еш туысқанымның басынан өтпеген бұндай жағдай, бет ашпау деген қазақ халқына тəн салт емес деп. енді тойды сәуір айында жасаймыз дейді. Күйеуім жұмыстан сұранып екеуміз келгенбіз ата-енеме, енді олар мені жібермейміз, күйеуіме сен тойға дейін жұмыс жасай бер деп отыр. Менің қалғым келмейді,себебі менен не жегің келіп тұр,ауырып жүрген жоқсың ба деп сұрамайды да, ақылын да айтпайды. Менің алғашқы жүктілігім болған соң білгенімнен білмейтінім көп. Жұбайым бірге алып кетемін десе жібергісі келмейді. Ал тойды күтсек, ол кезде менің ішімдегі балама 5 айдан асады бұйырса. Əлі ол тойдың болу болмауы белгісіз. Айтып жүргеніне 7 айдан асып барады. Анашым: "сені осынша қорлағаны жетер тастап кел" дейді. Енді не істейтінімді білмеймін? Туысқандарымнан ұяламын, бəрі сұрайды той қашан? деп, не деп жауап берерімді да білмеймін. Əкем бетіме басама деп қатты қорқамын, себебі кезінде ол адаммен жүрме деген еді. Ақылдарыңызды айтыңыздаршы.
Аноним