Мұқаң жайлы деректер молайсын десек...

Ұлт ақыны Мұқағали Мақатаевтың туғанына 80 жыл толуына орай республиканың жер-жерінде әдеби-мәдени кештер жиі өткізіліп жатыр. «Алаш айнасы» газеті осынау игілікті шараның шын жанашыры екенін және Мұқағали Мақатаевтың өмірі мен шығармашылығына қатысты жаңа заман көзқарасын­да­ғы тың пайым-пікірлеріңіз болса, жариялауға даяр екендігін жеткізеді.
Ару Алматының бір кездегі студенттері, ақынның замандастары – бүгінгі қазыналы қарттар қазір рес­публиканың түкпір-түк­пі­рінде, кейбірі шетелдерде тұрып жатыр. Егер осы кісілердің қолында Мұқаға­ли­мен бір­ге түскен суреттері, ақынның өз қолтаң­басы, жарияланбаған жырлары, дауысы, бей­несі жазылған таспалар болса, біздің ре­дакциямызға хабар­ласу­ларыңызды өті­не­міз. Қарап отырсақ, қолымызда
М.Ма­қа­таевтың бірде-бір жартымды бейнетаспасы жоқ екен. Ол, бәлкім, бір кісілерде бар да шығар. Егер бар болса, оны ақпа­рат­тық ғасырдың игілігіне айналдыру керек деп санаймыз.
Кім білсін, қазақ әдебиетіндегі қайта­лан­бас тұлға жайлы жаңа деректі фильм, құ­дай бұйыртса, биылғы жылы түсіріліп қалар...
Ардақты Алаш оқырманы!
Қазақ поэзиясының шын жанашырлары!
Ұлт санасын дүр сілкіндірген найзағай жырдың иесі Мұқағали Мақатаевтың туған күнімен бар­шаңызды құттықтаймыз!
Редакция мекенжайы:
Алматы қаласы, 050051,
Бегалин кө­шесі, 148/1А
Телефон: 8(727)388-80-60,
факс: 8(727)388-80-61
e-mail: info@alashainasy.kz
www.alashainasy.kz