Мұқағали мұрасына бойлау

Бүгінде «күпі киген қазақтың қара өлеңін шекпен жауып» өзіне қайтарған отты жырларымен, ойлы, өрнекті өлеңдерімен халқының қадір-қасиетін айта алған мұзбалақ ақын Мұқағали Мақатаев есімі мәңгілік ғұмырға айналғаны шындық. Десек те, ақын мұрасын ұрпақтан-ұрпаққа кеңінен наихаттап отыру – борышымыз. Осы орайда 9 ақпан – ақынның туған күні қарсаңында еліміздің барлық өңірінде бірқатар әдеби-мәдени шаралар өткізу жоспарланған.

Оқушылар сарайында
Алдағы 29-31 қаңтар күндері аралы­ғын­да  Алматы қаласындағы Оқушылар сарайында «Соғады жүрек» атты  Мұқағали Мақатаевтың өлеңдеріне жазылған әндер­ден және ақын шығармаларын оқудан  республикалық байқау өтеді.
Шараның мақсаты – ақиық ақынның жыр-әндерін болашақ ұрпақтың жүрегіне жеткізе отырып, ән өнерін дамыту, жас та­лант иелерін іздеп, жастар арасында әншілік өнердің кәсіби деңгейіне көтерілуі­не жол ашу. Композиторлардың халқымыз­дың асыл қазынасына айналған әндерін жаңғыртып, кейінгі ұрпаққа насихаттап, өнерсүйер қауымға кеңінен таныстыру.
Бұл шығармашылық байқау – эстра­далық вокал, дәстүрлі ән, көркемсөз сияқ­ты үш жанрды қамтып, екі кезең бойынша өткізіледі. Онда трио, квартет т.б. әнші топтар өнер көрсетуге мүмкіндік алмақ. Байқауға 18 жастан 35 жасқа дейінгі орындаушылар қатыса алады. Әр жанр бо­йынша әр кезеңде ақынның сөзіне жа­зылған жанды дауыста екі ән орындалады, екі өлең оқылады. 
Жеңімпаздарды анықтау барысында қазылар алқасы талапкерлердің орындау­шылық шеберлігін, әннің байқау тақыры­бына сәйкестігін, музыкалық өңделу дең­ге­йін, сахна мәдениеті мен киім үлгісін, дауыс ырғағы, кеңдігі, дауыс мәнерін ес­ке­реді. Қазылар  алқасының құрамы бел­гілі өнер қайраткерлері, композитор, ақын, әнші, білікті педагог мамандардан жасақталған.
Байқау қорытындысы бойынша жеңімпаздар арнайы сыйлықтар мен дипломдармен марапатталады. Мәдени шараны ұйымдастырушы – М.Мақатаев атындағы Халықаралық қоғамдық қор және «Ғұмырдария» орталығы. Жас таланттардың өнерлерін тамашалағысы келетін көрермен қауымға есік ашық.
Республика сарайында
9 ақпан күні сағат 19:00-де Алматы­дағы Республика сарайында «Соғады жүрек»  деген атпен Мұқағали ақынның сөзіне жазылған ән-жыр кеші өтеді.  Концертке Қазақстанның танымал өнер жұлдыздары қатысады. Бағдарламада  ақын өмірінен сыр шертетін сурет пен кітап көрмесі, бейнекөріністер, театрланды­рылған шағын қойылымдар ұсынылып, жаңа әндердің тұсауы кесілмек.
Билеттер Республика сарайы, Балуан Шолақ атындағы спорт сарайы мен Орта­лық әмбебап дүкені кассаларында саты­лады. Қосымша ақпарат алу үшін 8(121)291592 нөміріне хабарласуға болады. Мұқағали шығармашылығына арналған концерттік бағдарламаны  М.Мақатаев атындағы Халықаралық қоғамдық қор мен «Еламан» продюсерлік орталығы бірлесіп ұйымдастырып отыр.