Қазақстандық белгілі продюсер Баян Алагөзова Tengrinews.kz тілшісіне жаңа "Махаббат станциясы" фильмінің түсірілімі жайлы айтып берді. "Фильм махаббат жайлы, махаббат трагедиясы жайлы. Мен басты рөлдердің бірінде боламын. Басты рөлде бізде Әйгерім Мақсұтова мен Асқар Ілиясов. Заманауи оқиға. Түсірілім жұмыстары Алматы облысында және Сарыөзекте жүргізіліп жатыр. Жеті күнде аяқтап қаламыз деп жоспарлап отырмыз. Бұл жалпы таза мелодрама, махабаттың қайғылы болатыны жайлы. Бірақ уайымдамаңыздар, фильмде ешкім өлмейді", - деді Баян Алагөзова. Сондай-ақ, продюсер "Махаббат станциясының" толықметражды картина екенін айтады. Айтуынша, сценарийді Сергей Литовченко жазған, ал оператор Ернұр Рыспай, қоюшы режиссері Ернар Нұрғалиев.
Мұнымен қоса, Баян Алагөзова бүгінде Қазақстанда махаббат жайлы фильмдердің аз түсіріліп жатқанын айтып өтті. "Бізде махаббат жайлы фильмдер жоқ. Ондай фильмдерді түсіруді қойдық, тек комедиялар түсіріліп жатыр. Сол жанрда фильм түсіруді шештік. Бұл менің түсіріп отырған бесінші фильмім. (...), - деді продюсер. Сондай-ақ, Баян Алагөзова күйеуінің бұл картинаға түспейтінін айтып өтті.
"Махаббат қайғылы болуы мүмкін" - Баян Алагөзова жаңа фильмнің түсірілімі жайлы
Последние статьи автора