«Екі жұлдыздың» жеңімпаздары анықталады

Ертең ұлттық арна эфиріндегі «Екі жұлдыз» жобасының жеңімпаздары анықталады. Бағы жанған жұптың аты-жөні тікелей эфирде жария етіледі.
Ұйымдастырушылардың хабар­лауы­н­ша, желтоқсанның 24-і күні бағ­дар­ла­маның бірінші секундынан бас­тап, ше­шуші рөл атқаратын SMS-дауыс­тар қабыл­данады. Көрермендер екі сағат бойы осы мүмкіндікті пай­далануы тиіс. Думанның соңында дауыс­тар мен қа­зылар алқасының бағасы есептеліп, соның нәтижесінде жобаның төртінші маусымының жеңімпаз­дары белгілі болады. Биылғы жобада тек қана ән­шілер өнер көрсетіп жатқандықтан, думанның соңы тая­ғанда нағыз мықтыны анықтау қиынға соғып жатыр. Қай-қайсысы да – сен тұр, мен атайын. Ал­ғаш­қы орыннан бәрі де дәмелі. Жұлдыздар үш ай бойы бәсекелесіп келеді. «Елдің басты ду­маны» деген ай­дар тағылған «Екі жұл­дыз», шынымен де, халықтық бағ­дар­ламаға, соның ішін­де, рейтингі жоғары отандық телеөнімге айналды. Есте­ріңізде болса, бұл думанды бағдар­ламаның алғашқы маусымында – балерина Сәуле Рахметова мен әнші Мейрамбек Бесбаев, екінші маусы­мында – әртіс Рахман Омар мен әнші Маржан Арапбаева және үшінші маусымында тележүргізуші Қазбек Қасым мен әнші Ақбота Керімбекова жеңіп шыққан еді. Ендігі нағыз мық­тылар кімдер болар екен?! Бағдарла­маның ақтық сайысын жіберіп алмаңыздар.