Отандық танымал актер Азат Сейітметов пен актриса Данагүл Темірсұлтанованың болашақ күйеу баласы кім екені анықталды. Ата-анасының жолын қуған Айым Сейітметованың кездесіп жүрген жігіті де өнер адамы болып шықты деп хабарлайды "Ревю" бағдарламасына сілтеме жасаған NUR.KZ.
Олардың кездесіп жүргеніне бірнеше жыл өтсе де, актриса қызын тұрмысқа беруге дайын емес.
"Жоқ, әлі ерте! Әлі оның жасы 20-да, қайдағы?! Рұқсат бермеймін әлі. Әуелі оқуын бітірсін. Әлі үшінші курста. Оқуын да бітірген жоқ!” – дейді Данагүл Темірсұлтанова.
Айта кетейік, 20 жастағы бойжеткеннің жүрегін жаралаған жігіттің есімі - Вахид. Олардың көңіл жарастырғанына біраз уақыт өтсе де, отандық жұлдыздар қызын ұзатуға асықпайтынын мәлім етті.