Дана Нұржігіт: Қыз баланы оқытып, қай жерде тоқтау керектігін білу қажет

Жақында ғана теңін тауып, тұрмыс құрған танымал тележурналист Дана Нұржігіт әлеуметтік желідегі парақшасында қыз баланың тәрбиесіне қатысты пікірін білдірді.

«Бала кезімнен: "оқы, ізден, талаптан!" дегенді естіп өскен едім. Ал, ойлап отырсам, қыз балаға бұл сөздерден бұрын: "сен әдемісің, ертең жар, ана боласың, үйдің тірлігіне пысық бол!" дегенді көбірек айту керек-ау... Қыз балаға "оқы!" деу-ақ керек, бірақ қай жерге дейін оқып, тоқтау керек екенін айтуды ұмытпаған дұрыс. Сонда барып қыз-ғұмырдың бар қызығын дер кезінде бастан өткереді.

Мына суретке еш қатысы жоқ сөз демеңіз! Есті адамға ештен кеш жақсы екенін жеткізген түрім ғой» - дейді журналист.

Жүргізушінің бұл ойын оқырмандары қолдап, жолдасы Мұрат екеуіне бақыт тіледі.

Reactor