Бейбарыс жайлы фильм

Қазақ жерінде ислам дінінің кең таралуына ықпал еткен тұлғалардың еңбектерін зерттеу экспедициясы Ислам мәдениеті мен білімін қолдау қорының көмегімен Атырау өңірінде де болып, Жылыой ауданының Ақшеңгел тауында «Сұлтан Бейбарыс» деректі фильмін түсірді.
Отандық телеарна журналистері мен ак­тер­лерден, режиссерлерден құралған экс­педицияның Жайық бойынан қаршадай бала қалпында кетіп, жаһанға аты тараған Бейбарыс сұлтанның өмір жолын зерттей отырып түсірген фильміне М.Өтемісұлы атын­дағы облыстық драма театрының актер­лері қатысты. Басты рөлдегі Сұлтан Бейбарысты ҚР мәдениет қайраткері, актер Елтай Шаманов сомдаған фильмнің ре­жис­сері – Асқар Әшімов. Қоғам назарын дәс­түрлі дінге аудартуды мақсат еткен экс­пе­диция Ахмет Ясауи, әл-Фараби, Хи­батулла әл-Тарази, Тұрмағамбет Ізтілеуов, Бекет ата, Ыбырай Алтынсарин, Абай, Шә­кәрім сынды басқа да тұлғалардың өмірі мен шығармашылығының негізінде түсі­рілген деректі фильмдерді «Хабар», «Қазақстан», «Асыл арна» теле­арналары арқылы жұртшылыққа ұсынбақ ниетте.