«Аққу-Гакку» сахнаға оралды

Екі жылдай сахнадан көрінбей кеткен «Аққу-Гәкку» театры таяуда сахнаға жаңа қойылымдарымен қайта оралмақ.
Қазақ сатира театрларының қос қар­лы­ғашы, «Тамашаның» еркелері, Қазақ­стан­ның еңбек сіңірген қайраткерлері Гүлбау­шан Тілеубекова мен Данагүл Темірсұл­та­но­валар құрған  әзіл театры біраз үзілістен ке­йін әзіл-қалжыңға толы думанды кеш­те­рін  Халықаралық әйелдер күніне арнамақ. Кө­рермен қауым «Ерке сылқым», «Алып қа­шу операциясы», «Ұялы телефонның үй­дей бәлесі», «Таныс шапан» сияқты жаңа қо­йылымдарды көріп тамашалайтын бо­ла­ды. Аталмыш концертке  Мақпал Жү­ні­со­ва, Қарагөз Тілеубекова, «Ару ана» тобы жә­не басқа да өнер жұлдыздары қа­ты­сады.
Асқар НАЙМАНТАЕВ, «Аққу-Гәкку» театрының режиссері және авторы, Қазақстанның еңбек сіңірген қайраткері:
– Бұл күлкілі думан барлық театрлар мен шоу бағдарламалардан өзгеше, ерекше болады. Халық өзінің сү­йікті актерлерін сағынып қалды, сол са­рыла күткен сағынышты алдамауға бел байлап отырмыз.
Сондай-ақ «Аққу-Гәкку» театры жақында Тал­ды­қорған, Тараз, Ақтау қала­ларына да гас­трольдық сапарға шықпақшы. Ас­тана көрермендері «Ақ­қу-Гакку» теа­тры­ның жаңа бағдарла­масын Күлкі күні та­машалайды.