Ақпарат бөлімі – тәжірибе академиясы

Гүлжанат МАҚҰЛЖАНОВА, жаңалықтар бөлімінің аға редакторы:
– Кез келген журналист ал­ды­мен жаңа­лық­тар бөлімінің «қа­за­нында» қайнамай, «пістім» деп айта алмайды. Алматы облы­сы­ның бір қиы­ры – Райымбек ау­даны, бір қиыры – Ала­көл, ен­­ді бір шеті – Балқаш ауданы, осын­дай географиялық ауқымды өңір­дің түкпір-түк­пі­ріндегі оқи­ға­ларды күнбе-күн эфирге да­йын­­дау ой жылдамдығын, ши­рақ­тықты қажет етеді.
Бұл бөлімдегі Қарлығаш Қа­йыпбекова, Қуаныш Серікқанов, Да­нияр Болысбекұлы, Ду­ман Алтынбекұлы қай-қайсысының да сая­сат, өн­діріс, тарих, мә­де­ниет – насихаттамайтын са­ласы жоқ. Көкірек көзі ояу кез келген тіл­­ші үшін тақырыптық, танымдық тұр­­ғыдан жаңалықтың үйретері мол. Жаңалықтар бөлімі – ресми тір­келмеген, атағы жоқ үлкен мектеп.
Ақпараттың тілі қарапайым болуы керек дей­тін қағида бар. Бі­­рақ қазір сол шеңбермен шек­телмей, ақпараттың тілін де нәрлендіріп беріп жүрміз. Се­бе­бі адамдардың кітап оқуды си­рет­кен, көретіні тек көгілдір экран бол­ған заманда тілдің нәрін, тіл­дің тұшымын телеарна арқылы бер­месек, ұтылған жеріміз сол бол­мақ. Сондықтан ақпарат тілі тақ-тұқтан арылуы қа­жет, қайта оның құнарлы тілмен жеткізілуі келе-келе нормаға айналады деп есептеймін.