Ән додасында жас әншілер

Осы үміткерлердің 17-сі өзге облыс­тар­дан бағын сынауға келсе, қалғаны – жер­гілікті жас әншілер. Бір Оңтүстік Қазақ­стан­ның өзінен байқауға жолдама алуға та­лаптанғандар саны 50-ден асып түскені жарыс талаптарының қаншалықты қатаң болғандығын көрсете алса керек.
16 мен 29 жас аралығындағы жас ән­ші­лердің ғана қатысуға мүмкіндігі болған республикалық байқау талаптары бо­йынша, үміттерін үкілеп келген үміт­кер­лер­дің орындауындағы екі әннің бірі мін­детті түр­де патриоттық тақырыпқа арналуы тиіс бол­ды. Екіншісі – үміткердің өз қа­ла­уын­да­ғы ән. Басты қойылған талап – әнді жан­ды дауыста айту. Фонограммаға жол жоқ. Сондай-ақ қазылар алқасы байқауға қа­ты­сушы үміткерлердің киім үлгілері мен орын­даушылық мәнеріне де көп көңіл ау­дар­ды. Басқаша айтқанда, жүлделі орын жан-жақты жақсы дайындалған нағыз та­лант иелеріне бұйырды.
Республикаға танымал жерлес әнші Гүлнар Сиқымбаева төрайымдық еткен қазылар алқасының шешімі бойынша, бас жүлде шымкенттік «STARS» триосына бұ­йыр­ды. Ал бірінші орынды түркістандық Б.Сапарбеков пен павлодарлық Г.Ал­да­жа­ро­ва бөліссе, екінші орын екі үміткер ба­тысқазақстандық И.Жантуллин мен атыраулық Х.Сүйекбаевтың қан­жы­ға­ла­рына байланды. Шымкенттік Қ.Тәңір­бер­генов, Е.Зауытбек, «Өркен» тобы мен ақ­тө­белік Ж.Бекбосынов жүлделі үшін­ші орынды місе тұтты. Бұдан бөлек 17 үміткер «Арай-2011» байқауының арнайы ди­пло­манты атанды.