Оңтүстік Қазақстан облыстық көркемсурет галереясы кешегі өткен қылқалам шеберлері мен бүгінгі күнгі олардың ізбасарларының еңбектерін жұртшылық назарына ұсынуды үрдіске айналдырған. Өткен ғасырдағы еліміздің көрнекті қылқалам шеберлерінің қолынан шыққан туындыларынан құралған «Аманат» атты көрме өтіп жатыр. Оған 80-жылдарға дейінгі салынған 30 графикалық, 26 кескiндемелiк жұмыс қойылды.
Бұл суретшілердің еңбектеріне деген бүгінгі ұрпақтың құрметі болса керек. Көрмеден кейін бұл туындылар галереяның алтын қорына алынатын болады. Кеңес Одағы кезінде дәуірлеген реализм жанрында салынған туындыларды қызыға келіп тамашалаушылар көп. Көрмеге сол дәуірге тән бейнелеу өнерiнiң шеберлерi М.Қалдыбаев, А.Тұрсынов, Н.Гаев, В.Антощенко-Оленов, Е.Сидоркин, Ю.Мингазитиновтың кескiндеме, графика жанрларындағы туындылары қойылған. Атағы дәуірлеген суретшілер кезінде қазақтың бейнелеу өнерiнде қайталанбас туындыларды дүниеге әкелген. Әрі ұлттық нақышты қалыптастыруға атсалысқан. Мұндағы туындылардың басым бөлігі облыстық тарихи-өлкетану мұражайынан алынып отыр. Бұл – «Аманат» атауымен өткізіліп отырған екінші көрме.
Айнабек ОСПАНОВ, облыстық көркемсурет галереясының меңгерушiсi:
– Өткен ғасырда өшпес із қалдырып, өздерінің ғажайып туындыларымен тамсандырған дарындардың есімін кейінгі толқын жастарға естелік ретінде ұсынбаққа осы «Аманат» атты көрмені ұйымдастырып отырмыз. Алдағы уақытта еліміздің атын шығарып, бейнелеу өнеріне өлшеусіз еңбек сіңірген таланттарымыздың басқа жанрдағы туындыларын да жұртшылық назарына ұсынатын боламыз.
«Аманаттың» екінші тынысы ашылды
Последние статьи автора