Әлемге әйгілі актер Митхун Чакрабортидің көпшілік біле бермейтін отбасылық құпиясы бар. Ол осыдан бірнеше жыл бұрын тастанды баланы асырап, сүйікті әке атанған. Ол коқыста жатқан сәбиді көріп, бірден өз үйіне алып кетіпті. Кейін оны өз қамқорлығына алған екен. Танымал актер тастанды сәбиге Дишани деген есімді қойған.
Сонымен бірге Митхунның отбасы да сүйкімді қызды құшақ жая қарсы алған көрінеді. Митхунның әйелі мен 3 ұлы кішкене сәбиді қатты жақсы көріп, өз туғанындай көрген. Тасжүрек адамдар өз сәбиін сатып немесе көшеге лақтырып кетсе, мейірімді жүрек иелері оларды өз қамқорлығына алуда. Осындай оқиғаларды естіген кезде жүрегің жылып, «әлемде мейірімді жандар бар екен ғой» деп қуанатынымыз рас. Керемет актердің керемет отбасы көпке үлгі боларлықтай екен.