Бүкіләлемдік бокс қауымдастығы (WBA) орта салмақтағы чемпионы Геннадий Головкинді титулын кубалық Эрисланди Лараға (29-3-3, 17 КО) қарсы айқаста қорғауға міндеттеді, - деп хабарлайды Alashainasy.kz тілшісі Vesti.kz-ке сілтеме жасап.
Бұл туралы қауымдастық сайтында хабарланған.
WBA боксшыларға 23 ақпанға дейін келісімге келуге 15 күн уақыт беріп отыр. Егер боксшылардың командалары осы уақытқа дейін ымыраға келмесе, жекпе-жекке промоутерлік сауда белгіленеді.
Мұның алдында Головкин IBF белбеуін бразилиялық Эскива Фалькаомен (30-0, 20 КО) жекпе-жекте қорғауға міндеттелген еді, алайда қазақстандық боксшы белбеуден бас тартты. Осыған байланысты WBA Ларамен айқас белгілеп отыр.