WBA (Super), IBO және WBC Interim тұжырымдары бойынша орта салмақтағы әлем чемпионы қазақстандық Геннадий Головкин мен орта салмақта WBC чемпионы пуэрторикалық Мигель Котто соққыларының күшін салыстырды, деп жазады «Алаш айнасы» интернет-порталы шет елдік басылымдарға сілтеме жасап.
Осы аптада екі боксшы Nacion ESPN студиясына барып сұхбат беріп қайтты. Сұхбат барысында тілші боксшыларға соққыларының күшін анықтауды ұсынған. Бұл сынақта кім жеңгенін, яғни қай боксшының соққысы мықты болғанын мына видеодан көре аласыздар.
Айта кетейік, Геннадий Головкин бүгінде Коттоның белінде жүрген орта салмақта WBC белбеуіне үміткер боксшылардың қатарында. Бірақ, пуэрторикалық боксшы әртүрлі сылтау айтып, отандасымызбен жекпе-жек өткізуден бас тартып жүр.
Еске сала кетейік, Геннадий Головкиннің келесі жекпе-жегі 16 мамыр күні Лос-Анджелес қаласында өтеді. Жерлесіміздің бұл жолғы қарсыласы Boxcino 2014 турнирінің орта салмақтағы жеңімпазы - кіші Вилли Монро.