Америкалық боксшы Флойд Мейвезер (кішісі) келесі жекпе-жегін 25 ақпан күні Лондондағы "О2 Аренада" өткізеді. Бұл жайында әлеуметтік желідегі парақшасында жазды, - деп хабарлайды Alashainasy.kz тілшісі Vesti.kz-ке сілтеме жасап.
45 жастағы боксшы бұрынғы ММА шебері британдық Аарон Челмерспен шайқасады.
Флойд Мейвезер (кішісі) кәсіпқой бокста жеңіліп көрмеген спортшы. 50 жекпе-жек өткізіп, барлығында жеңіске жеткен. 2017 жылы кәсіпқой рингтегі мансабын аяқтап, тек көрмелік кездесулерге ғана қатысып жүр.
35 жастағы Челмерс ММА спортындағы мансабын 2021 жылы аяқтаған.