Оңтүстік Кореяның Чеджу қаласында Халықаралық әуесқой бокс федерациясы (AIBA) жылдың үздік боксшылары мен бапкерлерін марапаттады, деп хабарлайды «Алаш айнасы» интернет-порталы федерацияның ресми сайтына сілтеме жасап.
Бұған дейін жазғанымыздай 2014 жылғы ерлер арасындағы ең үздік боксшы Данияр Елеусінов, ал үздік бапкер Мырзағали Айтжановқа бұйырған еді. Чеджудағы жиын барысында Бүкіләлемдік бокс сериясының (WSB) үздік боксшысы мен бапкері, әйелдер арасындағы үздік боксшы және жастар арасындағы үздік боксшылар анықталды.
Жыл үздіктері:
– WSB сериясының үздік супервайзері — Хельмут Ранц (Германия)
– WSB сериясының үздік төрешісі — Мик Бэси (Англия)
– WSB сериясының үздік бапкері — Роландо Эйсебал (Куба)
– WSB сериясының үздік боксшысы — Эрисланди Савон (Куба)
– АИБА үздік төрешісі — Денис Попов (Ресей)
– Бойжеткендер арасындағы үздік боксшы – Елизабет Вожик (Польша)
– Жастар арасындағы үздік боксшы – Хавьер Ибанез (Куба)
– Ересектер арасындағы үздік боксшы – Данияр Елеусінов (Қазақстан)
– Үздік бапкер – Мырзағали Айтжанов (Қазақстан)
– Әйелдер арасындағы үздік боксшы – Кларисса Шилдс (АҚШ)