Ынтымақ — берекелі болашақ негізі

Дана халқымыз айтқандай: «Бірлік бар жерде — тірлік бар». Ауызбірлік, түсі­­ніс­тік пен сыйластық үстемдік құрған мекенде қашан да істердің нәтижелі, тіршіліктің берекелі болары хақ. Қалыптасқан ұлттар тұтастығы мен халықтар достығының арқасында бүгінде мемлекетіміз өркендеп, ілгері басып келеді. Бұл туралы ел бірлігіне арналған Алматы ақшамы газетінің кезекті санының мақаласынан оқи аласыздар.

Ешбір елде болмаған ерекше, саяси маңызы зор құрылым, ұлтаралық татулық пен тұрақтылықтың феномені, Қазақстан халқы Ассамб­леясы, ол 1995 жылдың наурызында құрыл­ды. Бүгінде Ассамблея – Қазақ­станда шынайы достық негізін сақтап келеді. Елімізде әрбір ұлтқа салт-дәстүрлерін жаңғыртуға, мәдениеті мен әдебиетін дамытуға, сондай-ақ, тілінің жетілуіне қамқорлық көрсетілуде. Елбасы­ның Қазақстан халқына Жолдауында айтыл­ған мәселелер қатарында ерекше көрсетіліп кеткен бағыттың бірі — Қазақ­стан халқы Ассамблеясының рөлін нығайтуға байланысты «Қоғамдық келісім­ді және тұрақтылықты әрі қарай нығайту үшін Қазақстан халқы Ассамблея­сының рөлін арттыру» мәсе­лесі. Жолдауда атап көрсетіл­гендей, «қоғамдық келісімді әрі қарай нығайту еліміздің қалыпты дамуы мен әлемдегі бәсекеге барынша қабілетті 50 елдің қатарына кіру тәрізді үстеме міндет­терді шешудің негізі болып табылады». Еліміз этносаралық және конфессия­ара­лық келісім тәжірибесінің өзіндік үлгісіне ие бола отырып қана қоймай, сонымен қатар, толеранттылық және мәдениет­аралық диалог мәселелерін халықаралық деңгейге шығара білді. Мемлекетіміздің қарыштап дамуына да, ең алдымен, ұлтара­лық саясаттағы аталмыш қағидаттың ықпалы зор болды. Демокра­тиялық, зайырлы, құқықтық және әлеумет­тік мемлекет құру­дың маңызды шарты — ұлттар арасындағы бірлікті қамтамасыз ету. Қазақстанның жетістігіне айналған қоғам­дық келісім, қазіргі таңда елдің нәтижелі әлеуметтік-экономикалық, қоғамдық-саяси дамуының кепіліне айналып отыр. Әлемдік қауымдастық тарапынан жоғары бағаланған, ұлы далада орныққан ел бірлі­гін мерекеге ұластыру, достық пен келісімді паш ету, халықтар арасындағы тұтастықты одан сайын нығыздай түсуде. «Ассамблея­ның ең басты міндеті — еліміздегі қоғамдық келісім болып саналады. Ал ұлтаралық татулық мәселесі Ассамблеяның сан қырлы қызметінің бір парасы ғана. Қазақ­стандағы қоғамдық келісімнің алды­мен қазақтың келісімі екенін мық­тап есте ұстағанымыз абзал. Татулық пен тұрақтылық ел иесі ретінде ең алдымен қазаққа керек», — деп атап өткен Елбасы­мыз, бүкіл ел болып осы татулықтың ұйытқы­сын одан әрі мықтап, күллі әлемге, келешек ұрпаққа үлкен серпіліс жасауы­мызға жол сілтеу­де. Осылайша 1 Мамыр мерекесі елдің бірлігін одан сайын нықтап, сол арқылы халқымыздың ертеңінің берекелі болуына жол ашатынына сенеміз.

Мейіргүл Жетпісбаева,

ҚР БҒМ ҒК РМКҚ Философия,

саясаттану және дінтану институтының

аға ғылыми қызметкері,

философия ғылымының кандидаты.