Жақында елімізде үлкен тарихи өзгерістер орын алып, Түркістан қаласы облыс орталығы болып жарияланған болатын. Халықтың қуанышына себеп болған өзгеріс, еліміздегі этномәдени бірлестіктердің қуанышына да арқау болды. «Түркістан облысы және Шымкенттің республикалық маңызы бар үшінші қала болып жариялануы ел экономикасын арттыруға, халықтың әлеуметтік жағдайын жақсартуға жасалған маңызды қадам», – дейді Алматыдағы өзбек этномәдени орталығының төрағасы Абдулла Исматуллаев.
Енді күллі түркі жұртына таныс Түркістанның жаңа тынысы ашылады, – дейді ассамблея өкілі.
Абдулла Исматуллаев, өзбек этномәдени орталығының төрағасы:
- Мен өзім Түркістан қаласының тумасымын. Түркістанды, біздің тарихи жерлерімізді көбірек адам көретін болды, жаңа инфрақұрылымдар құрылатын болды деп біз қатты қуанудамыз. Қазірдан айтылып жатыр жаңа әуежай салынады деп, көп адамдардың шетелден, Қазақстанның әр жағынан келіп-кетуге мүмкіншіліктер болады деп жатыр. Экономикалық жағынан да туристерді тарту, халықтың әлеуметтік жағдайын жақсарту үшін де өте үлкен септігін тигізеді деп ойлаймыз.
Елімізде болып жатқан өзгерістер мен Елбасы тарапынан айтылған Жолдаулар мен Үндеулерге үн қатып, қолдау білдіріп қана қоймай, қоғамымызда өздері де үлестерін қосып, үнемі еліміздің дамуына қызмет етіп кеде жатқан ассамблеялықтардың бағалауы маңызды, Айналып келгенде еліміздің тоқтаусыз дамып жатқаны күн сайын еліміздегі барлық ұлт пен ұлыс, халқымыз сезініп отырғаны қуантады.
Еркенұр Ерзия