«Тіл – татулық тірегі» атты байқау өтті

Алматы қаласының Достық үйінде Алматы қаласы этномәдени бірлестіктерінің өкілдері арасында мемлекеттік тілді білу бойынша «Тіл - татулық тірегі» атты байқау өтті.

Іс-шараға Алматы кәріс ұлттық орталығы төрағасының орынбасары, профессор, тарих ғылымдарының докторы Кан Георгий Васильевич, Алматы қаласы әкімі аппаратының «Қоғамдық келісім» КММ директоры Мұрынова Жаннат Шарапханқызы, этномәдени бірлестіктердің жетекшілері, Алматы қаласы жоғарғы оқу орындарының студенттері, бұқаралық ақпарат құрал өкілдері және қаланың белсенді жастары қатысты. Мемлекет дамуында тілдің орны ерекше. Әсіресе өскелең ұрпақтың тілді білуі қуантады. Осы орайда жер жердегі Қазақстан Халқы Ассамблеясына қарасты бөлімшелерінде тілдің мәртебесіне қатысты іс-шаралар жиі ұйымдастырылуда.

Мемлекеттің дамуындағы жастардың үлкен үлесі осындай іс-шараларды өткізу қажеттілігін де туындатады. Іс-шара қазіргі кездегі өзекті мәселелерді айқындауға, дұрыс құндылықтарды қалыптастыруға және заманауи жастардың мәдени деңгейін жетілдіруге мүмкіндік береді. Осы іс-шараны өткізе отырып, ұйымдастырушылар, жастарды, этносаралық келісім мен отансүйгіштік идеяны тарата отырып, қоғамдық қызметке тарту мақсатында, өз алдына осы міндеттерді қойды.

Іс-шара біткеннен кейін жеңімпаздар естелік жүлделер мен дипломдарға ие болды. 

Еркенұр Ерзия