2018 жылдың 1 мамыры күні, сағат 11.00-де, «Family» саябағында Қазақтан халқының бірлігі Күніне арналған салтанатты мерекелік шара өткізіледі, деп хабарлайды Алаш айнасы Әуезов ауданы әкімі аппаратының баспасөз қызметіне сілтеме жасап.
Бұрынғы ұрпақ өкілдері 1 мамыр мейрамын еңбекшілердің халықаралық ынтымақтастық күні деп атаған. Бұл мейрам идеологиялық ұрандардың көптігімен ерекшеленген: «Бейбітшілікке – бейбіт», «Бейбітшілік, еңбек, мамыр» және тағы басқалар. Саяси құрылымның алмасуы және Қазақстан өз тәуелсіздігін алуымен Қазақстандағы бірінші мамыр мейрамының мәнін өзгерткен болатын. 1996 жылы Қазақстан Республикасының Президенті Н. A. Назарбаев өз Қаулысымен 1 мамыр - Қазақстан халқының бірлігі Күні деп жариялады. Елімізде бұл мейрам, Қазақстанда тату-тәтті тұратын әртүрлі ұлт өкілдерінің сүйікті мейрамдарының біріне айналған.
1 мамыры күні Алматы қаласы Әуезов ауданының әкімі Алтай Рақымбетов аудан тұрғындары мен қонақтарын мерекемен құттықтайды. Аталмыш мерекелік шараға көркем өнерпаздар ұжымдары, жоғарғы және орта арнайы оқу орындарының басшылары, мектеп және ұлттық-мәдени орталықтарының директорлары қатысады.
Алматылықтар мен қала қонақтарына арналып ұлттық-мәдени орталықтары көркемөнерпаздар ұжымдарының концерттік көрсетілімі, ұлттық тағамдар байқауы, спорттық шаралар мен сурет салу жарысы ұйымдастырылмақ. Жеңімпаздарды бағалы сыйлықтар мен естелік сыйлықтар күтуде.
Алаш айнасы