20 маусымда Қазақстанда Ұлттық бірыңғай тестілеу басталды. Білім және ғылым министрлігіндегілер ҰБТ нәтижелерін қайдан білуге болатынын айтты, деп хабарлайды Stan.kz ақпарат агенттігі ведомствоның баспасөз қызметіне сілтеме жасап.
ҰБТ-ға қатысуға өтініш білдіргендердің жалпы саны – 117 242, оның ішінде осы жылы мектеп бітірушілер саны 96 380-ді құрайды.
Биылғы жылы ҰБТ нәтижелерін мына сайттардан білуге болады:
@edu.gov.kz_bot Telegram-боты көмегімен;
edu.mail.kz сайтынан;
Ұлттық тестілеу орталығының ресми сайтынан – www.testcenter.kz білуге болады. Ол үшін әрбір тестіленушіге берілетін ТЖК (тестіленушінің жеке кодын) енгізу қажет
Биыл министрлік ҰБТ тапсыру кезіндегі кез-келген бұзушылықтарды, оның ішінде жақсы нәтижелер алу үшін үшінші тұлғалардың қызмет көрсетуін болдырмау бойынша нақты қадамдар қабылдауда. Мұндай іс-әрекеттер ҰБТ-ның объективтілігіне сенімді азайтады.
«Біз барлық түлектер мен ата-аналардан мұндай жағдайларда бей-жай қарап қалмауды сұраймыз. Егерде Сіздерге «дұрыс жауаптар кодын» сатып алуды ұсынса, тестілеу кезінде көшіріп алудың куәгері болсаңыз немесе тестілеу кезінде бөтен адамдардың жүргенін көрсеңіз мына телефон бойынша хабарласуды: +7 (7172) 69-50-87 немесе @edu.gov.kz_bot Telegram-ботына хат жазуды сұраймыз. Өз тарапымыздан біз ақпараттың конфиденциалды болуына кепілдік береміз», - делінеді хабарламада.
Сонымен қатар тестілеуге қатысты сұрақтар бойынша Call-орталығы тәулік бойы жұмыс істейді: 8-800-080-7177