Қарағандылық оқушылар білімдерін арттыру бағытында өздері ойлап тапқан роботтардың көмегіне жүгінуде. Механикалық роботтар тілді үйрену, тестілерге дайындалу, тіпті математикалық тапсырмаларды тапсырмаларды орындауға көмектеседі.
«Мұрагер» дарынды балалар мектебі болған соң оқушылар құлтемірлердің біріне Мұрагер деген есімді беріпті. Ол 19 тілмен көптеген математикалық формулаларды біледі. Сондай-ақ кез келген сұрақтарға жауап беріп, тіпті билей алады. Дегенмен, оқушылар Мұрагерге тағы да жаңа бағдарлама ойлап таппақ. Роботты техника зертханасы жаңа оқу жылының басында ашылды. Арнайы курс сабақтар тізіміне енгізілген. Балалар аптасына үш рет зертханаға асығакеледі. Дарынды оқушылар бүгінде 5 робот жасап шығарды. Бүгінде аталған мектептің 120-ға жуық оқушысы зертханада ғылыми жұмыстар жүргізуде. «Олардың саны күн санап өсіп келеді», - дейді мектеп мұғалімдері.
Роботты техника зертханасы облыстың тағы төрт білім ордасында ашылды. Қазір олар заманауи құрылғылармен жабдықталуда, деп жазады 24.kz.
inform.kz