Мұғалімдердің білімін бағалау: Өтініш 10 шілдеге дейін қабылданады
Елімізде мұғалімдердің білімін бағалау сынағына өтініш қабылдау жүргізіліп жатыр, - деп хабарлайды Alashainasy.kz. Бұл туралы Elorda.info тілшісі Ұлттық тестілеу орталығына сілтеме жасап жазды.
Өтініш 6-10 шілде аралығында app.testcenter.kz сайтында қабылданады.
Ескерту: бос орындар қалмаған жағдайда өтініш қабылдау мерзімінен бұрын аяқталады.
Ал педагогтың білімін бағалау емтиханы 10-19 шілдеге жоспарланған.
Білім бағалау сынағына келесі топтар қатыса алады:
мектепке дейінгі тәрбие мен оқыту ұйымдарының педагогтері;
білім беру ұйымдарының әдіскерлері (әдістемелік кабинеттердің (орталықтардың) әдіскерлерінен басқа);
жалпы орта білім беру ұйымдарының педагогтері;
қосымша білім беру ұйымдарының (интернаттық ұйымдардың, жатақханалардың тәрбиешілері, арнайы ұйымдардың тәрбиешілері үшін) педагогтері;
білім беру ұйымдарының, әдістемелік кабинеттердің (орталықтардың) басшылары;
техникалық және кәсіптік, орта білімнен кейінгі білім беру ұйымдарының (жалпы білім беретін пәндер бойынша, сондай-ақ жалпы кәсіптік және арнайы, жалпы гуманитарлық және әлеуметтік-экономикалық пәндер бойынша) педагогтері;
педагогикалық бағыттар бойынша жоо және колледж бітіруші түлектері (күндізгі бакалавриат, қысқартылған бакалавриат, магистратура);
педагогикалық (мамандықтар) бағыттар бойынша техникалық және кәсіптік, жоғары және/немесе жоғары оқу орнынан кейінгі білімі бар, тәжірибесі жоқ кандидаттар (оның ішінде 2022 жылғы түлектер);
педагогикалық қызметті қайта жалғастырғысы келетін тұлғалар.
