Алматы қаласы білім басқармасына жаңа басшы тағайындалды, - деп хабарлайды Тengrinews.kz тілшісі қалалық әкімдіктің қоғаммен байланыс қызметіне сілтеме жасап.
Бақытжан Сағынтаевтың бұйрығымен білім басқармасының басшы қызметіне Ләззат Жылқыбаева тағайындалды.
Еңбек жолын 1996 жылы Алматы қаласындағы № 1 Қазақ педагогикалық колледжінің мұғалімі болып бастаған. Әр жылдары мұғалім болған, колледж директорының орынбасары, Алматы қаласы білім басқармасының маманы және бөлім басшысы болып жұмыс істеді. Жаңа қызметке тағайындалғанға дейін Алматы қаласы білім басқармасы басшысының орынбасары болды.