Алдағы 1000 жылда адамдар тек сырт келбет тұрғысынан ғана емес, микроскопиялық жағынан да өзгеріске ұшырамақ.
Бұл туралы Tech Insider хабарлайды.
Зерттеулер жасап, соңғы жылдардағы өнертабыстарға анализ жасаған ғалымдар адам түрінің қалай өзгеретінін болжаған. Мамандар заманауи технологиялар адам өміріне белсенді түрде кірігеді және оның әсерінен қандай да бір ғаламдың апат туындамайды дейді.
Қазіргі кезде мамандар Италия мен Қытайда жануарлардың басына трансплантация жасау мәселесін зерттеп жатыр екен. Келесі қадам – адамның басын ауыстыру болмақ.
Ғалымдардың айтуынша мың жылдан кейін адамдардың бойлары ұзын, ақыл-ой қабілеттері өте жоғары және кез-келген жағдайға бейімделгіш болады. Оның ішінде өзге планеталарда да өмір сүріп кетуі мүмкін деген болжам да бар.