Асқар Жұмаділдаев: Қазақ технократтық ұлтқа айналуы керек

Белгілі ғалым Асқар Жұмаділдаевтың ерекше ойлары: 
1. Қазақта сөз бен істің арасы мың шақырым.
2. Қазақта бөспелік көп. Тілім бай, тарихым терең деген бөспеліктер жетеді. Бір сұрақ қояйын. Тарихта тілім бай емес деген халықты көрдіңіз бе?..
3. Қазақтың домбырамен әлемді мойындатамын дегені бос әңгіме. Күлкілі нәрсе.
4. Қазақ технократтық ұлтқа айналуы керек.
5. Қазақ технология шығарғанда барып ұлттық рухы оянады. Өзі жасаған дүниеге мақтанып, рухы да көтеріледі.
6. Латын әліпбиін жасап, өзара айтысып жүргендердің бәрі филологтар. Нақтылық жоқ. Әңгіме.
7. Латын алфавитіне көшкенде пернетақтада сандарға орын берілуі тиіс. 2,3,4 сандарымен ә, і, ғ әріптерін белгілеп жүрсек бұл ыңғайсыздық тудырады. Қазақ тілінде жазғанда цифрға келгенде тіл ауыстырып, секіріп жүретін боламыз.
8. Қазір академиктер көп. Өзімді академикпін деп айтуға ұяламын.
9. Жастардың көбі қияли. Романтик. Бірақ 4-5 дипломымен жұмыссыз жүр. Әңгіме нәтижеде.
10. Поезияны бәрі жақсы көреді. Құмартады. Себебі ол оңай. Математика қиын. Бас керек.
11. Қазіргі қоғамға реализм жетіспейді. Қиял көп. Артық ақпарат пен иллюзия көп.