Жапония Ресейге көлік жөнелтуді жалғастырады
ТАСС агенттігі хабарлағандай, Жапония министрлер кабинетінің басшысы Хирокадзу Мацуно Токио Ресейге ұсталған көліктерді мүлде экспорттамайды деген ақпаратты растаған жоқ. Бірақ алдағы уақытта мұндай жағдай болуы мүмкін екенін жоққа шығармады, - деп хабарлайды Alashainasy.kz тілшісі Кolesa.kz-ке сілтеме жасап.
Мацуно қазір Жапония үкіметі Ресейге қарсы жаңа санкция дайындамағанын айтты, өйткені соңғы шектеулерді мамырда ғана енгізген.
Күншығыс елінің билігі Еуроодақ қолданған жаңа санкцияны мұқият зерттеп жатыр. Жапондар оның он бірінші пакетін ескере отырып әрекет етеді.
Маусымда Еурокомиссия Еуроодақ елдерінен Ресейге автомобиль жеткізуге тыйым салды. Шектеу қозғалтқыш көлемі 1.9 литрден асатын машиналарды (ескісі де, жаңасы да) қамтиды, бұдан бөлек гибрид және электромобиль экспортына тыйым салды. Бұл шешім 25 қыркүйекте күшіне енеді.
Ресеймен тығыз сауда қатынасы болғандықтан, Жапония мұндай санкция енгізбей отыр.
Қаржы органдарының мәліметіне сенсек, түрлі санаттағы көлік құралдары ел экспортының 60 %-ын құрайды, кейінгі кезде бұл көрсеткіш үздіксіз өсіп келеді. Мысалы, 2023 жылдың алғашқы жартысында Жапониядан Ресейге жол тартқан автомобиль саны былтырғы қаңтар мен маусым арасындағы көрсеткіштен үш есе өскен. Бұл ақпаратты Қиыр Шығыс кеден бекетінің статистикасы растап отыр.
Соңғы сағатта көп оқылған жаңалықтар осында Massaget.kz
