Біздің елде жол талғамайтын көлік бензинді және дизельді мотормен сатылады, - деп хабарлайды Alashainasy.kz тілшісі kolesa.kz-ке сілтеме жасап.
Ресми тұсаукесерінен жарты жыл өткен соң Lexus LX Қазақстанға жетті. Бренд клиенттеріне модельдің екі нұсқасын: 415 ат күшіне ие 3.5 литрлік бензинді V6-мен жүретін LX 600 бен 300 ат күшін беретін 3.3 литрлік турбодизель орнатылған LX 500d-ді ұсынады.
LX 600-дің алты комплектациясы болады. Бензинді көліктің бағасы 65.1 млн теңгеден басталып, 80.1 миллионға дейін барады. Ең қымбаты — VIP Black Edition.
Анықтама ретінде: 3 наурызда жарияланған ресми баға тізімінде LX 570 қосымша жабдықтарды қоспағанда, 54-66.8 млн теңге тұратыны жазылған. Демек, буын ауыстырған модельдің ең арзаны 11 млн теңгеге қымбаттады.
Lexus LX 600 VIP
LX 500d екі комплектацияда сатылады. Executive-ті 62.7 млн, ал Luxury нұсқасын 68 млн теңгеге аласыз. Екеуінің де салоны бес орынды.