Hyundai "Mufasa"
Hyundai аспан елінде сатылатын Mufasa кроссоверіне сертификат алды. Көлік атауы танымал «Арыстан патша» анимациялық фильмінің кейіпкерін еске салады, - деп хабарлайды Alashainasy.kz тілшісі Кolesa.kz-ке сілтеме жасап.
Қазір сатылып жатқан ix35-ті алмастыратын автомобиль Kia Sportage Ace қозғалтқышын алады.
Жаңа модельдің көлемі — 4475×1850×1665 мм, дөңгелек базасы — 2680 мм. Демек ол Creta-дан ірілеу, Tucson-нан кішірек болады.
Қытай өнеркәсіп министрлігі жариялаған суреттерден жаңа көлік Tucson стилінде жасалғаны байқалады. Мамандар ірі радиатор торы мен тік оптика орнатады. Ал артқы шамы ішінде Hyundai деген жазуы бар тұйық контур түрінде жасалады.
Сертификаттағы мәлімет бойынша марка Mufasa-ны 161 ат күші мен 193 Нм беретін 2 литрлік мотормен ғана ұсынады. Агрегат 6 сатылы автоматпен жұмыс істейді.
Кроосвердің ресми тұсаукесері қашан өтетіні белгісіз. Дегенмен бренд өнімін Шанхайдағы көрмеде таныстыруы мүмкін. Көлік атауына қатысты Walt Disney қандай пікір айтатынын күтеміз.
