Прототип суретінен үшінші буындағы Dacia Duster-дің сәл үлкейіп, 2021 жылғы Bigster концептісі стилінде жасалғанын байқаймыз. Сұранысты азайтып алмау үшін марка ізбасар модельдің бағасын өсірмейді, - деп хабарлайды Alashainasy.kz тілшісі Кolesa.kz-ке сілтеме жасап.
Бренд жаңа өнімге үлкен үміт артады. Dacia жаңа Duster Қарт құрлықта саяхатты жаны сүйетін жандарға ұнайды деп отыр, модель кейінгі кезде Еуропа нарығын жаулап алған Jeep-ке арзандау балама болуы мүмкін. Grand Cherokee-дей бола алмас, бірақ Compas немесе Renegade-пен тайталасуға мүмкіндігі бар. Бұл туралы Autocar басылымына сұхбат берген Renault Group бас дизайнері Лоренс ван ден Акер айтты.
Үшінші буындағы Dacia Duster рендері
Қытай автокөліктері, әсіресе, электромобильдерінің ЕО-да көбейіп келе жатқаны ван ден Акерді алаңдатпайды. «Барлық бренд электромобильге көшіп, қымбаттап кеткенде оған әркімнің қолы жете бермейді. Демек сапалы, арзан әрі тиімді көлік алғысы келетін адамдар қашан да табылады», — дейді ол.
JATO ақпаратына сүйенсек, Renault еншісіндегі бренд 2022 жылы Еуропада жақсы нәтиже көрсетті, ол Opel/Vauxhall, Fiat, Citroën, SEAT және Nissan-нан көп өтті. Биыл жарты жылдағы көрсеткіш одан жақсы, Dacia биыл 292 000 автомобиль сатты, бұл былтырғы нәтижеден 30 % жоғары.
Соңғы сағатта көп оқылған жаңалықтар осында Massaget.kz